विठ्ठल मंदिराव विज पडून कळसाचे घुमट फाटले आवार गावाचे संकट विठ्ठलाने तारले
संग्रामपूर तालुक्यातील घटना
: शनिवारी रात्री बुलढाणा जिल्ह्यातील खामगाव संग्रामपूर, शेगाव आदी तालुक्यात सुसाट वाऱ्यासह एक तास जोरदार पावसाने हजेरी लावली.यामध्ये अनेक गावांमध्ये नागरिकांच्या घरात पाणी घुसल्याने नागरिकांची तारांबळ उडाली. दरम्यान संग्रामपूर तालुक्यातील आवार येथील श्री विठ्ठल मंदिरावर वीज कोसळून मंदिराचा घुमट फाटल्याची ही घटना सायंकाळी ७च्या सुमारास घडली. या घटनेनंतर आवार गावाचे संकट विठ्ठलाने तारल्याची चर्चा गावभर होत असल्याचे दिसून आले. संग्रामपूर तालुक्यातील आवार या गावाच्या मध्यभागी विठ्ठल मंदिर असून, मंदिराच्या घुमटावर संध्याकाळी ७ च्या सुमारास वीज कोसळली. त्यामुळे कळसाचे घुमट फाटला आहे. या घटनेनंतर आवार गावावरील संकट विठ्ठलाने तारल्याची प्रतिक्रिया ग्रामस्थांकडून व्यक्त होत आहे. परतीचा पावसाचा तडाखा संग्रामपूर तालुक्याला बसला असून, बऱ्याच शेतकरी बांधवांचे सोयाबीन, कपाशी आणि इतर पीक काढणीला आलेले असताना जोरदार पाऊस झाल्याने या पिकांचे अतोनात नुकसान होणार आहे.