दरोडा टाकण्याच्या प्रयत्नात असलेल्या चार संशयित दरोडेखोरांना स्थानिक गुन्हे शाखेच्या पथकाने केले जेरबंद
मलकापूर प्रतिनिधी
दरोडा टाकण्याच्या उद्देशाने बुलढाणा जिल्ह्यात आलेल्या चार संशयित दरोडेखोरांना स्थानिक गुन्हे शाखेच्या विशेष पथकाने जेरबंद केले असून त्यांच्याकडून काही घातक शस्त्र ही जप्त केली आहेत
बुलढाणा येथील स्थानिक गुन्हे शाखेला गोपनीय माहिती मिळाली होती की काही ही दरोडेखोर मलकापूर परिसरामध्ये दरोडा टाकण्याच्या उद्देशाने येत आहे त्यानुसार स्थानिक गुन्हे शाखेच्या पथकाने मलकापूर शहरातून जाणाऱ्या राष्ट्रीय महामार्ग 6 वर सापळा रचला असता मुक्ताईनगर परिसरातून चार युवक दरोडा टाकण्याच्या उद्देशाने मलकापूर येथे येत असताना तपासात निष्पन्न झाले या संशयित दरोडेखोराकडून तलवार घातक शस्त्र स्थानिक गुन्हे शाखेच्या पथकाने जप्त केली या चारही आरोपींविरुद्ध मलकापूर पोलीस स्टेशन मध्ये विविध कलमान्वये गुन्हे दाखल केले असून त्यांना अटक केली आहे
