फ्रन्टलाइनमध्ये पत्रकारांनाही कोरोना लस द्यावी टिव्ही जर्नलिस्ट असोसिएशनच्यावतीने मुख्यमंत्र्यांकडे मागणी…
बुलडाणा :- कोरोना काळामध्ये कर्मचारी सोबत काम करणाऱ्या पत्रकारांनाही फ्रन्टलाइनमध्ये समावेश करून त्यांनाही कोरोना लसी देण्यात यावी.व कोरोना काळामध्ये कोरोनाने मृत्युमुखी पडलेल्या पत्रकारांच्या कुटुंबीयांना तात्काळ विम्याची पन्नास लक्ष रुपयांची रक्कम देण्यात यावी. या मागणीसाठी टीव्ही जर्नालिस्ट असोसिएशनच्या वतीने राज्याचे मुख्यमंत्री उद्धव ठाकरे यांच्याकडे एका निवेदनाद्वारे करण्यात आली आहे.यावेळी असोसिएशनचे अध्यक्ष वसीम शेख,सचिव युवराज वाघ, समन्वयक कासिम शेख,कोषाध्यक्ष दीपक मोरे, प्रवक्ता संदीप शुक्ला, गणेश सोळंकी,संजय जाधव, प्रसिद्धीप्रमुख नितीन कानडजे पाटील, बुलडाणा समन्वयक निलेश राऊत तालुका हे उपस्थित होते. तर जिल्हा पत्रकार संघाकडूनही पत्रकारांना कोरोना लस देण्या विषयी मुख्यमंत्र्यांना निवेदन देण्यात आले.यावेळी मराठी पत्रकार परिषदेचे उपाध्यक्ष राजेंद्र काळे, जिल्हा पत्रकार संघाचे अध्यक्ष अरुण जैन,सिद्धेश्वर पवार,सिद्धार्थ आराख, अजय बिल्लारी यांच्यासह संघाचे पदाधिकारी उपस्थीत होते.मुख्यमंत्री उद्धव ठाकरे शुक्रवारी 5 फेब्रुवारीला बुलडाण्याच्या लोणार येथे दौऱ्यावर आले होते.
कोरोना काळामध्ये ज्याप्रमाणे आरोग्य कर्मचारी, पोलीस विभागाचे कर्मचारी, अधिकारी समाज सेवा करण्यासाठी कार्यरत होते,यांच्या खांद्याला खांदा लावून लोकशाहीचा चौथा आधारस्तंभ असलेले पत्रकार सुद्धा कोरोना काळात समाजामध्ये जनजागृतीचे काम करत होते, त्यांचा समावेश सुद्धा कोरोना लसीकरण करताना फ्रन्टलाइन कर्मचारी म्हणून करण्यात यावा व सर्व पत्रकार बांधवांना ही लस देण्यात यावी.तसेच कोरोना काळामध्ये कर्तव्य बजावत असतांना कोरोनामुळे मृत्युमुखी पडलेल्या पत्रकार बांधवांच्या कुटुंबीयांना विमा निधीतून पन्नास लाख रुपये तात्काळ देण्यात यावी अशी मागणी टिव्ही जर्नलिस्ट असोसिएशनच्यावतीने मुख्यमंत्र्यांकडे निवेदनाद्वारे आज लोणार येथे करण्यात आली.
