विहिरीत आढळला तरुण-तरुणीचा मृतदेह, दोघेही दोन दिवसांपासून होते बेपत्ता… घातपात की आत्महत्या ?,
खामगाव( प्रतिनिधी )
मागील दोन दिवसांपासून बेपत्ता असलेल्या तरुण आणि तरुणीचा मृतदेह काल सायंकाळी पिंपळगाव गावाच्या बाहेर एका विहिरीत आढळला असल्याने परिसरात एकच खळबळ उडालीय… पोलिसांनी घटनास्थळ गाठून दोघांचेही मृतदेह विहिरीबाहेर काढुले असून यावेळी ग्रामस्थांनी सुद्धा याठिकाणी मोठी गर्दी केली होती.. मात्र या दोघांनी आत्महत्या केली किंवा काही घातपात आहे का , याचा तपास पोलीस करताहेत.. मात्र या दोघांचे प्रेमस्मबांध असल्याचे गावकरी दबक्या आवाजात बोलत आहेत.. खामगाव तालुक्यातील भालेगाव बाजार येथील प्रमोद ऊर्फ सुरेश भांबळकर आणि दुर्गा सावरकर हे दोघेही ११ ऑक्टोबरपासून घरून बेपत्ता होते… पिंपळगाव राजा पोलीस ठाण्यात दोघेही हरविल्याची नोंद सुध्दा करण्यात आली होती… त्‍या दोघांचा शोध सुरू असताना काल सायंकाळी पिंपळगाव राजा येथील शेतकरी विठ्ठल पाटील हे शेतातील विहिरीवर पाणी काढण्यासाठी गेले असता त्यांना विहिरीत तरुण- तरुणीचे मृतदेह तरंगताना दिसले… यावेळी त्यांनी घटनेची माहिती पोलिसांना दिली , घटनेची माहिती मिळताच पिंपळगाव राजा पोलीस पथकासह घटनास्थळी धाव घेतली… आणि दोघांचेही मृतदेह बाहेर काढून पंचनामा केलाय.. यावेळी मात्र ग्रामस्थांनी मोठी गर्दी केली होती.. तर विहिरीच्या बाजूला एक दुचाकी सुद्धा अपघातग्रस्त अवस्थेत आढळल्याने या प्रकरणाचे गौडबंगाल वाढले असून हा घातपात की आत्महत्या ? हे अजूनही स्पष्ट झाले नाहीय.. पोलिसांच्या तपासणी नंतरच या प्रकरणाचा उलगडा होईल..
